انتبه !! .. اذا كنت تعاني من هذه الاعراض فسارع الى الطبيب للكشف عن السرطان !!

• الصداع المستمر

الا ماعمرك حسيتي بالشقيقة  من قبل أو لا كنتي كتحس بيها مرة مرة، و لكن فجأة الصداع ولا كيجيك بصفة مستمرة و دائمة فذلك يقدر يكون علامة  تدل على سرطان المخ فا خاصك تزور الطبيب عاجلا.

• العياء بشكل مستمر

كل واحد فينا كيدوز بأيام متعبة لي كيحس فيها براسو فاشل و مافيه لي يدير شي حاجة و لكن الا كان الشعور بالتعب دائم لمدة شهر  او الإحساس بضيق في التنفس  لي ما عمرك حسيتي بيه قبل  فا فهاد الحالة واجب عليك زيارة الطبيب حالا لحقاش سرطان الدم و الغدد اللمفاوية لي يقدر يتسبب فهاد الأعراض.

• الوزن لي كيطيح بشكل غير مفهوم

الا كنتي من الناس لي كيفقدوا الوزن و الشهية بطريقة بدون سبب  فهو شيء يدعوك للقلق و الخوف لحقاش هادو أعراض ديال شي سرطانات فحال سرطان البنكرياس،الكبد و القولون و لكن غالبية الوقت كيكون من أعراض سرطان الدم.

• ضربات فالجسم

الا كنتي من الناس لي كيفيقوا فالصباح و كتلقا فالجسم ديالك شي ضرابي ديما ،مع العلم ان دوك الضرابي ما كتموش فيك قبل ما تنعس، على سبيل المثال اليدين و الأصابع فا خاصك تمشي للطبيب بصفة مستعجلة لحقاش هادو أعراض ديال سرطان الدم  لي كيضعف قدرة الدم لحمل الأوكسجين الشيء لي كيأدي لجلطات صغيرة كتبان على شكل ضربات و زورقية.

• ما كتقدرش تسرط

الا كنتو من الناس لي ديما عندهم التهاب في الحلق و الحنجرة فدلك يقدر يكون من بين أعراض سرطان الحنجرة أو المعدة و يقدر يكون من بين أعراض سرطان الرئة.

• التبول بصعوبة

الا كنتي كتمشي للمرحاض و كتلقى صعوبة كبيرة باش تبول، أو كتلقى دم في البول ديالك أو المني أو كتلقى صعوبة كبيرة و ما مفهوماش في الانتصاب فخاصك تمشي ضروري تزور الطبيب لحقاش هاد الاعراض تقدر تكون ديال سرطان البروستات،لدى فمن الواجب تعرفو المرض في الجدة ديالو باش يسهل العلاج ديالو قبل ما يوصل لمراحل متقدمة.

• الخصية تتبدل

كيفما العيالات عندهم كشف مبكر للثديين ديالهم لعرفة واش كاين شي مشكل فيهم  او لا لا ، فا حتى الرجال واجب عليهم الانتباه للخصيتين ديالهم، فا اذا لاحظتوا شي تغير في حجم الخصية أو بزوج و لا حسيتوا بشي انتفاخ  او جسم غريب في الخصية فسيروا نيشان عند الطبيب لحقاش سرطان الخصية ما معاهش الضحك و ديروا في بالكم راه سرطان الخصية منتشر بزاف بين الشباب و الرجال.

• تغير في لون الجلد

الرجال في سن الخمسين و ما فوق معرضين أكثر من النساء للإصابة  و الوفاة بسرطان الجلد ب40% و كاينة دراسات لي بينات بلي أن الرجال كيقضيو بزاف ديال الوقت تحت أشعة الشمس و القليل من الرجال لي كيلبسو نظاظر ديال الشمس و القليل من الرجال لي كيغطيو راسهم  و بيبن ودنينهم و هما المناطق الأكثر عرضة  لتطوير مرض سرطان الجلد و الشيء لي كيزيد من خطر الإصابة هو أن الرجال غير مواضبين على زيارة طبيب الجلد و التشخيص المبكر للمرض.

• الكحة المزمنة

الكحبة لي تدوم أكثر من ثلاثة الأسابيع بلا أعراض فحال الحساسية و الرواح يقدر يكون إنذار مبكر بوجود سرطان الرئة،سرطان الدم يقدر يقدر يتسبب في أعراض فحال التهاب  القصبات الهوائية و ساهلة باش تفرق بين الكحبة العادية و الكحبة لي كتلوح فيها الدم و لي كتحس فيها بوجود آلام في الصدر و كتوصل حتال الكتف والإبط.

• وجود الدم في الغائط

الدم في الغائط يقدر يكون بسبب آلام البواسير و لكن يقدر يكون كذلك بسبب سرطان القولون. الفحص الروتيني لسرطان القولون كيبدى في سن الخمسين، خاص ضروري تمشيو عند الطبيب للتشخيص المبكر  لحقاش البواسر و القبط كيجيو و كيمشيو و ما يكونوش ديما فجسم الإنسان و لكن إذا استمروا هاد الاعراض فمن الواجب الواجب زيارة الطبيب.

• التقية و شعور بآلام في المعدة

التشنج في الجهاز الهضمي هو شيء كي تعاود و كنحسو بيه مرة مرة و لكن الا كان بوتيرة يومية وإلا كان داكشي غادي و كيتزاد و زيد عليها الشعور  بالتقية المستمر يقدر يكون انذار بوجود سرطان الدم أو المصارن أو الكبد أو البنكرياس أو القولون.

• الحمى بزاف و العدوى

الا كنتي من الناس لي كيتصابو بالحمى بزاف  و بشكل متكرر في الشهر  فيقدر يكون اندار بوجود سرطان الدم هاد النوع لي كبهاجم  الدم ويخليه ينتج  الكريات البيضاء بشكل كثير و غريب الشيء لي غادي يضعف المناعة بشكل كبير يجعله عرضة لأمراض و كيولي الجسم ساهل باش يتعادى.